JAINKOA, INORK INOIZ IRUDIKATU IZAN EZ BALU BEZALA

Estándar

Jainkoak gure ondoan, gugandik gertu egon nahi du. Hauxe da, hain zuzen, Gabonetako mezua. Baina BERE MODURA egin nahi du, ez guk nahiko genukeen bezala. Ebanlejioan agertzen den Jainkoa horrelakoa da: negartia, ahula, kulturgabekoa, … ikasteko gurasoen beharra izan zuena, bide zuzena aukeratzeko artzainen laguntza behar zuena, opariak jasotzeko aztien eskuzabaltasuna behar zuena.

Batzuentzat baliogabeko ezaugarri gutxi batzuek jakinarazten digute Jainkoa jaio dela, hortxe dugula:pobrezia, itxaropena, poztasuna, ahultasuna, esker ona,…

GABON ZORIONTSUAK, INORK INOIZ IRUDIKATU IZAN EZ BALU BEZALAKO GABONAK OPA DIZUEGU.

Share

Estándar

MOTA Irudikapena – Begiespena

MUSIKA La Misión – On Earth as It Is in Heaven

NOLA EGIN

Erlaxazio-irudikapenerako teknika aprobetxatuko dugu Eguberriaren misteriora hurbildu ahal izateko. Kontakizuna ezagutzen duzunez, artzainetako bat izango zara. Har ezazu oinarrizko jarrera.

Irudika ezazu artzaina zarela, zerupean egiten duzula lo, baina adi, ardiak zaindu behar dituzu eta. Izarrak zeruan, hotz egiten du agian… Baina ezin duzu lorik egin, kezkatuta zaude, abailduta. Oso pobrea zara, ez zara ardien jabea, ez duzu etxerik, ezta jatekorik; jendeak gaizki begiratzen dizu, mesfidantzaz eta arbuiatu egiten zaitu… Horrek guztiak bakar-bakarrik eta triste sentiarazten zaitu gauero (etenaldia)

Orduak aurrera doaz eta lo egin barik jarraitzen duzu, baina sentipen arraro bat duzu, azaltzen zaila baina berezia den zerbait. Altxatzen zara eta ikusten duzu inguruko beste artzainak ere zutitu, hitz egin eta abiatzen direla. Haiei lotzen zatzaizkie, ez dakizue zer gertatzen ari den, baina intuizioak itxaropena piztu dizue zuen barnean eta herrirako bideari ekitera bultzatzen zaituzte

Inguruetan, herrira iritsi baino lehentxeago, jendea dago gau askotan abereak utzi dituzuen leize batean. Bikote bat da, gazteak, baina emakumea ama izan da. Pena ematen dizuete, zuek baino pobreagoak eta zuek baino baztertuagoak direla iruditzen zaizue. Horregatik hurbildu eta lagundu egiten diezue. Pozik dirudite. Erditzearen arriskua pasatu da eta dena bide onetik doa. Irria kutsatzen dizuete, gerturatu eta haurtxoaren alboan esertzen zarete. Beti lastoa botatzen duzuen aska batean dago umetxoa! Umeari begira geratzen zarete. Haurtxoa hain da hauskorra ezen samurtu egiten zaituzten eta ezin diozuen begiratzeari utzi. Bertan gelditzen zarete, umeari begira eta guraso berriekin hizketan. Gutxi hitz egiten duzue, baina oso gustura sentitzen zarete. Umearen samurtasunak eraldatu egiten zaitu. Zergatia jakin gabe, gauaren larritasuna desagertu da. Nahi baduzu har dezakezu umea besoetan. Mariak baimena ematen dizu begiradaz. Zuk, ardiak eta ahuntzak besterik ezagutzen ez duzunez, zer egiten duzu haur jaio berri horrekin besoetan? (etenaldia)

Denbora aurrera doa, aro berezia, adiezina, magikoa da, baina joan egin behar zara. Umea askan utzita agur esaten diezu. Landetara doan bideari ekiten diozu, ardiak esnatzen hasi dira. Eguna argitu bitartean urruntzen zara. Zer gertatu den, zergatik ez dakizu, baina badakizu zerbait aldatu dela zure barnean, zugan bake eta zoriontasun berriak piztu direla, itxaropenak zure beldurrak aldatu dituela. Bizia ederra dela sentitzen duzu, merezi duela, artzain hutsa izanda ere haurtxoak eta haren familiak maite zaituztela eta sentipen horrek dena aldatu du. Gogoratzen dituzu, haiekin eman duzun denbora ere bai. Sentitzen duzu haiek zugan idatzi dutena ez dela inoiz ezabatuko. Zergatia ulertu barik, altxatzen duzu begirada, besoak zeru argira eta eskerrak ematen dizkiozu Jaungoikoari behin eta berriz.

Gogoeta

Azaldu sentitu edota irudikatu duzun zerbait, ahaztu nahi ez duzun zerbait.

Bestetik, Eguberriko egunetan eszena hau gogoratzera gonbidatzen zaitugu.

Share

ABENDUALDIA. JAINKOA UME BIHURTU DA ETA GURE IRRIA AZALZTEKO GURE BESARKADA NAHI DU.

Estándar

USTE BAINO ZORIONTSUAGOAK GARA?

KAMARA BATEK ERRITMO MOTEL BATEZ EGUNEZ EGUN GURE BIZITZA GRABATUKO BALU, IRRI EGITEN GRABATUKO GINTUZKE? KEINU ATSEGINAK IZANGO GENITUZKE?

Zoriontsaunaren misterioa… Jandroren eskutik ( Hormiguero telesaiokoa).

Jandrok ume txikien zoriontasuna aztertzen du, horretarako oso erritmo moteles grabatzen ditu. Azter itzazu detaile guztiak; txupeteak edo gozokiak ez dute lortzen amak lortzen duena.

 

 

Share

ALAITASUNA; JESUS JAIO DA ETA.

Estándar

Gazte talde batek kanta hau sortu du Gabonetako esanahia eta garai honetan bizi izaten dutena azaltzeko.

Euren ustez maitasuna ume bihurtzen da, Jesus jaio da eta berarekin batera ilusioa, itxaropena, mundo hobea lortzeko borrokan jarraitzeko utopia. Utz dezaguin alaiatasun hori munduan zehar zabaltzen.

Share

Estándar

Atzoko Ebanjelioak gogoratu zigun Juan  Bautista kartzelan sartu zutela protesta egiteagatik, beranduagoa hil zuten, Jesusekin gertatzen zen bezala. Berdintasunaren alde jokatzea eta pertsonak askeak izan daitezen lan egitea ez da inoiz lan erraza izan.

[youtbe=http://www.youtube.com/watch?feature=player_embedded&v=ieHCY4I47O4]

“Jesusek erantzun zien: «Zoazte eta Juani kontatu ikusi eta entzun duzuena: itsuek ikusi egiten dute, elbarriak ibil daitezke; lepradunak garbi geratzen dira eta gorrek badute entzutea; hildakoak berpiztu egiten dira eta txiroei Ebanjelioaren mezua helarazten diete»” Zenbait pertsonak errealitatea eraldatzen dute; Mandela eta Jesusek egin zuten bezala. Euren testigantzek lagun diezagukete jendearen bizimodua hobetzeko erak bilatzen.

Me-note: Pertsonen bizitzetatik,  zer miresten dut?

Share

ESKERRIK ASKO HEGO AMERIKAREKIN ERAKUTSITAKO ELKARTASUNAGATIK

Estándar

Urtero bezala, egun hauetan gure GKEak (Hego Amerikarekin Elkartasuna) hango jendeari laguntzeko aukera eskaintzen digu. Aurten “Anai-arrebak” lelopean lan egingo dugu; hortaz, gugandik urrun dauden anai-arrebei lagundu behar diegu. Ikastetxeetan eskaera desberdinak egin dituzte, begibistakoa da materila dena ezinbestekoa dela, baina haiekiko sentimenduek, zuek bezalako ikasleekin sor litekeen “felling-a”,… ere badu garrantzirik.

Share

BAIEZKORTASUNEZ JOKATZEA ERABAKI AHAL DUT:

Estándar

MOTA Irudikapena

MUSIKA Adele Someone Like You!

NOLA EGIN (egokitu hartzaileen adinera)

Batzuetan gure gogoa pentsamendu ezkorrek trabatuta, ez aurrera ez atzera, gelditzen da (txarto egin nuena, edo sufritu nuen bidegabekeria, edo geroago egin beharko dudana eta kezkatzen nauena, edo pertsona hura… ez dut denborarik). Behin eta berriz itzultzen dira eta, hala ere, horrek ez digu irtenbiderik erakusten, baizik eta pentsamenduak lausotu eta gero eta ezkorrago bihurtu (ezin dut, ez dut balio, ez naute onartzen, begitan hartu naute, pertsona horrek… bizitza bera…). Ezkortasun hori, oinarriren bat izan arren, areagotu egiten da eta paralizatu egin gaitzake.

Orduan geure gorputza erlaxatzea lor genezake, baina horrela bakarrik agian ez ditugu ideiak geldiaraziko. Itoarazten gaituen kontu batean pentsatzeari utzi nahi diogunean, orduan hor duzu, burutik ezin kendu.

Ariketa honek pentsamendu eta gogoeta bide ezkorrak ordezkatzen ikasteko balio lezake.

Horretarako jakin beharko genuke geure buruan ezkortasun antzu eta obsesiboaren burrunba darabilgun, segidan horri aurre egiteko.

Agian orain ez gaude horrelako une batean, edo agian ez zaizue hori gertatzen. Hala ere, geure burua kontrolatzeko trebatuko gara pentsamenduek mendera ez gaitzaten:

Oinarrizko jarreran, arreta jarriko diegu gure pentsamenduei.

Une honetan larritzen gaituen zerbait gogoratuko dugu edo kezkatzen gaituen egoera bat irudikatuko (harremanak, akatsen bat, garrantzi handiko azterketa, partida bat, beldurra, konplexua sortzen digun zerbait, hurbileko norbaiten gaixotasuna, umilazioren bat…).

Sumatzen dugu nola sentiarazten gaituen horretan pentsatzeak. Saiatzen gara ikusten pentsatu dugunak laguntzen digun irtenbidea aurkitzen ala abaildu egiten gaituen. Ea berreraikitzera, laguntza eskatzera, haztera bultzatzen gaituen edo ahuldu, haserrarazi egiten gaituen.

Erabakia hartu behar dugu: gure pentsamendu ezkorrekin jarraitu ala pentsamendu horiek geldiarazi. (hiru modu)

  1. Ohartzen dut nire barnean pizten den argia, “berriro hasi naizela” eta ASKI DA oihukatzen dut. Oihuak berak izutu egiten nau, esnarazi eta kate jasanezin hori mozten du.

  2. Ordezkatu ideia horiek amets atsegin batekin. Irudikatu zeure burua nahi duzuna egiten: oporrak, zaletasunak…

  3. Errepika iezazkiozu zeure buruari lehengo egia baikorrak (une honetan nekez ikusten badituzu ere, lehen konbentzituta zeunden hori benetakoa, posible zela). “Izan konfiantza, dena konponduko da”, “adoretsua naiz”, “erratzeko eskubidea dut”, “merezi du”, “ez nago bakarrik”, “maitasuna beti da garaile”, “balio handikoa naiz”, “zaindu egiten naute”, “honetatik ere zerbait ona aterako da”, “ezerk ez nau Jaungoikoaren maitasunetik urrunduko (Rom 8)…

Gogoeta

Gogoratzen duzu kanalez aldatzera behartu zaituen egoeraren bat? Ba al dago “egia sakonen bat”? Gogoratu eta idatzi zure ustez bene-benetakoa den esaldi bat, zuretzat eztabaidaezina den egia bat.

Share

bendualdia, itxaropen-garaia

Estándar

Gabonak ospatu aurretik Abendualdia dugu, Aurten igandean, abenduak 1, hasi da eta Gabon-gaua ospatzean amaitu egiten da.

Kristau eta fededunotzat oso garai polita da itxaropena sendotzeko eta Erredentorearen zain gaudelarik, gure arteko elkartasuna bizitzeko aukera dugu.

Abendualdi hitzak (erderaz Adviento) latinetik dator ADVENTUS, honen esanahia VENIDA, LLEGADA.

Gure ondoan ibiliko den norbaiten zain gaude,.. ( Juan Magánen kantan bezala).

Judu-herriaren historia gogoratzen gustatzen zait, ITXARPOPENEZ EUREN HERRIAREN SALBAMENA ITXAROTEN ZUTEN; OZENKI ABESTUTA ERE: ITXARONGO ZAITUT, ITXARONGO ZAITUGU,…

Eta zuk… zer lotura izan dezake Tadeo Jonesen soinu-bandak gaurko hizpidearekin?

 

Share

ESKERRIK ASKO MADIBA

Estándar

Más alla de la noche que me cubre,
Negra como el abismo sin fin,
Agradezco a los dioses si existen
Por mi alma inquebrantable.

Caído en las garras de la circunstancia
No he llorado ni pestañeado.
Bajo los golpes del destino
Mi cabeza está ensangrentada, pero erguida.

Más allá de este lugar de cólera y lágrimas
Yace el horror de la sombra,
Y sin embargo la amenaza de los años
Me encuentra, y me encontrará sin miedo.

No importa cuán estrecha sea la puerta,
Cuan cargada de castigos la sentencia,
Soy el amo de mi destino:
Soy el capitán de mi alma.       (W. Ernest Henley )

Share

Estándar
Share