MODALITATEA Binakako masajea    Ebal

MUSIKA Silasire – Breathe

GIDOIA (gaur batek emango dio masajea eta hurrengo egunean eman duenak jasoko du)

Bizkarreko masajea

Prestatzeko: masaje ariketa bat egingo dugu baina ariketak honek helburu bikoitza du: alde batetik, giharrak zaintzea eta bestetik, masajea jasotzeko gure eskuetan jarriko den pertsona hori gustura, maitatua, bedeinkatua,… sentitzea da; hots, den bezain baliotsua sentitzea. Zenbaitetan ahaztu egiten dugu eta ondorioz beste pertsona batzuekin harremanak ditugunean zakarki jokatzen dugu. Oraingoan, berriz, gugan konfiantza duen norbait gure eskuetan jarriko da masajea hartzeko. Ondo baino hobeto egiteko prestatuko gara; saia zaitez hartzailearentzat benetako oparia izaten.

Masajea hartuko dutenek, oinarriko jarrera hartu eta saiatu behar duzue ahalik eta harkorren izaten.

10 segundotan eskuak igurtzi ondo berotu arte. Jarraian elkartu eskuak baina ukitu gabe, agian igurtzi ondoren sortutako beroa antzeman dezakezue. Eskuak nahiz zure barnea (zure ikaskide zaindu, lasaitzeko nahia,…) prest dituzularik, ekin iezaiozu masajeari.  Masajea hartuko duena mahaian edo aulkiaren bizkarraldean jar daiteke.

Masajearen faseak::

1.- Bizkarra berotu: horretarako eskuak bizkar osotik pasatuko dituzu, indarrez baina minik eman barik. Beroketa amaitzeko zenbait txalo emango dituzu bizkar osotik.

2.- Bizkarra oratu: Behin bizkarra beroturik, oratu bizkarra plastilina izango balitz bezala, horretarako atzamar lodiez zirkuluak “margotu”. Kontuz ibili eta ez oratu bizkarrezurra; bizkarreko giharrak  baino ez dituzu oratu behar.

3.- Bizkarra eskobatu: aritu eskobatzen egongo bazina bezala.

4.- Eremu bat bereziko zainduko dugu: Amaitzeko kokatu eskuak hartzaileak zehaztuko dizun eremuan eta bertan izan minutu erdiz. (ez badizu zehazten amaitutzat eman dezakezu)

5.-Irteera: utzi zenbait minutu emandako masajeak eragina izan dezan eta hartzaileak zure zainketak esker ditzan.

Ez ahaztu konektatutik egon behar duzula, lasai eta “maitasunez” beterik; zure helburua bakea helaraztea da, baita bete pertsonarekin monektatzea ere. Beraz, ariketa egiteko eta hartzeko isiltasuna beharko duzu.

Idatz dezagunMasajea  jasotzean edota ematean, nola sentitu naiz?
Share

MODALITATEA   Irudikatzea    Ebal

MUSIKA  Avatar

GIDOIA

Gauza irudikatzea (Bizitza proiektuarekin lotzeko)

Basamortu handi bat imajinatu. Irudika ezazu hondarraren kolorea, harea-pikorren distira imajinatu. Dunez nahiz zeruertzez gozatu. (Etenaldia)

Zure gustukoa den duna bat bilatu eta bertan eseri. Nabaritu hondarraren gozotasuna eta aprobetxatu haize gozo aurpegian nabaritzeko. (Etenaldia)

Aztertu zeruan, eguna argituz doa eta dunan eserita zaudelarik, zure gorputza lasaitasunez betetzen dute eguzki-izpi gozoak jasotzen dituzu. (Etenaldia)

Orain sartu eskua duna barruan. Nabaritu duna barruan dagoen freskotasuna. (Etenaldia) Gauza bat antzematen duzu eta hartzea erabakitzen duzu. Azter ezazu. (Etenaldia)

Jarrai ezazu basamortuak oparitu dizun gauza aztertzen: kolorea, usaina, osagaiak, zertarako balio duen…  (Etenaldia)

Eskerraz emanez eta kontu handiz, berriro sartu gauza hori duna barruan. (Etenaldia)

Zerua aztertu, iluntzen ari du. Zeruertzean ikusten duzun kolore gorriak agur esaten dizu. Basamortutik atera eta zure ikasgelara bueltatzen zara.(Etenaldia)

Idatz dezagun

Basamortuan bizi izandako zerbait. Idatzi irudikaturiko gauza eta zertarako balio zuen. Hausnartu gauza horrek eskaintzen dizun informazioaz. (Arazoak baldin badituzte gauzaren erabilera jakiteko lagundu ahal diegu)

Share

MODALITATEA  Erlaxazioa                           Ebal

MUSIKA  Beethoven Moonlight Sonata

GIDOIA

Drainatze ariketa

Helburua: Arreta egoki erabiltzen ikastea, gorputza erlaxaturik izateko. Honen bidez erakutsi nahi da burmuina nahiz emozioak baretzeko gorputza erlaxatzeak duen eraginkortasuna.

Oinarrizko jarrera hartuko dugu

Ariketa: Itxi begiak. Imajina ezazu gorputz osoan zehar argi gorri distiratsuak dituzula. Argi gorri horiek eremu ahituak eta urduriak adieraziko dizkizute. Argi horiei kasu eginez  itzaltzea lortuko duzu. Zuzendu arreta oinei ; utzi zoruan eta duzun tentsioa askatuko da, nabaritu nola lasaitzen diren eta bertan zenituen argi distiratsuak amatzen diren.

Orain zuzendu arreta orkatilei, muskulu bikiei,… saia zaitez hankak pausatzen eta horrela bertan zeneukan trabaturik izan dezakezun edozein tentsio desagertzea lortuko duzu. Jarraitzeko zuzendu arreta gorago, adibidez aldaketan, berdin jokatuko dugu tentsioa desagerarazteko. Nabari ezazu nola nagusitzen den grabitatea zure gorputzean; argi gorri horiek amatatuz doaz.

Oraingoan sabelaldean kokatuko gara eta bertan ezkuturik dugun tentsioa askatzen saiatuko gara. Bizkarraren beheko aldean, zein gerrian kokatu arreta eta berdin jokatu tentsioa desagertzeko. Amaitzeko gorago joko dugu, koka ezazu arreta bularrean eta askatu tentsioa. Berdin jokatuko dugu  sorbaldan nahiz lepoan. Arnasa hartzen duzun bakoitzean, bideratu arreta gorputz osotik; oinetik hasi eta buruan amaitu eta bidean topatzen duzun tentsioa askatu. Nabaritzen baduzu eremuren bat bereziki nekaturik duzula nabaritzen baduzu,  adi egon eta bertara zuzendu zure arreta guztiz erlaxatu arte. Jarraitu egiten gorputza guztiz erlaxaturik nabaritu arte. Ariketa amaitzean zabaldu begiak.

Idatz dezagun

Tentsioa askatzerakoan, zein eremutan izan duzu zailtasun handiago?

Nola zaindu eta maitatu ahal dut nire gorputza?

Share

MODALITATEA Mantra    EBAL

MUSIKA  Pavana

MANTRAK, BARNERAKO BIDAIA

Hinduismo eta budismo bezalako ekialdeko erlijioek pertsonaren barnea hobeto ezagutzen laguntzen duten zenbait teknika erabiltzen dituzte. Horietako bat MANTRAK dira.

Mantra hitzak zera esan nahi du: “adimenaren askapena”. Beraz, mantrak gure adimena nahasten duten pentsamenduetatik askatzen laguntzen digu.Mantra bat silaba, esaldi edo testu luze batean datza. Hauek ozen irakurtzeak edota errepikatzeak kontzentrazio sakon batera eramaten zaitu.

Adibidez, Tibeteko budismoan  “om mani padme hum” mantra erabiltzen da bihotz onekoak eta errukitsuak izan nahi dugunean. “Ohm” hitz sakratua ere erabiltzea duzu, saiatu nahi duzu?

Orain ikusiko dugu nola geuk ere teknika hauek erabili ahal ditugun geure barnean, geure barneko tenpluan,  sartzeko. Tenplu horretan egonda geure burua aurkituko dugu eta lasaitasunez Jaingoikoarengana jo dezakegu.

(Oinarrizko jarrera) – Eseri zaitez eroso eta bizkarra aulkiaren bizkarraldean ondo kokatu. Eskuak hanketan ipinita dituzularik, erlaxa itzazu zure giharrak. Itxi begiak eta burua tente izan.

­          Aurreko saietan egin duzun bezala, nabaritu nola erlaxatzen den arnasketa. Erreparatu iezaiozu sudurretik sartzen den aireari., nola aire horrek zure gorputza elikatzen duen.

­       Orain, begiak zabaldu gabe, “Señor, tu eres mi refugio” esaldia (edo zuk nahiago duzun esaldia edota hitza) errepikatuko duzu. Zenbaitetan errepikatu, oso astiro. Esaldi horri erreparatu; imajina ekaitz bortitz batean babesa behar duzula eta aterpe batean sartzen zarela. Bai gozo egoten dela hor barruan!

­       Errepikatu esaldi hori, baina oraingoan soinurik ekoiztu gabe egingo duzu. Arnasa hartzean esaldia errepikatu, astiro egin eta zenbait minututan errepikatu. Arreta galtzen baduzu, lehen ekaitz erdian erabili duzu aterpera bueltatu eta berriro hasi.

­

­Orain, astiro begiak zabalduko ditugu eta esperientzia ebaluatuko dugu.

Share