MUSIKA Yiruma

GIDOIA
Oraingoan, bisualizazio bati esker, Ebanjelioaren testu batean sakontzera gonbidatzen zaituztet. Ezaguna egingo zaizu, entzutea da kontua, eta eszena geure erara imajinatzea, handik pasatuko bagina bezala. Horretarako, «oinarrizko jarrerarekin» prestatzen gara, eta lau geldialdi labur eginez entzuten dugu kontakizuna.

TESTUA
Garai hartan, Jesus Jerikotik bere ikasle eta jende askorekin irten zenean, Bartimeo itsua, Timeoren semea, bide-ertzean eserita zegoen limosna eske.

(Imajinatu, botata, hiritik botata, eskean, itsututa…)

Jesus Nazareno zela entzutean, oihuka hasi zen:

– Daviden semea, erruki zaitez nitaz!

Askok errieta egiten zioten isil zedin. Baina gehiago oihukatzen zuen:

– Daviden semea, erruki zaitez nitaz!

(Imajinatu zure oihuak, jendearen protestak…)

Jesus gelditu eta esan zuen:

– Deitu.

Itsuari deitu zioten esanez:

– Animo! Jaiki, deitzen dizu eta.

Mantua askatu, jauzi egin eta Jesusengana hurbildu zen.

(Imajinatu orain zure itxaropena, jauzia, Jesusenganako urrats itsuak…)

Jesusek esan zion:

– Zer nahi duzu egitea zugatik?

Itsuak erantzun zion:

– Maisu, ikus dezadan.

Jesusek esan zion:

– Tira, zure fedeak sendatu zaitu.

Eta berehala bere onera etorri eta bidean jarraitu zion.

(Elkarrizketa barru-barrutik errepikatzen du: «Zer nahi duzu? Nahi dut… » Zuk zer eskatuko zenioke? Egizu…

eta haren eraldaketari erreparatzen dio, ikus dezake eta oinez jarraitzen dio Jesusi!