LuzuVlog-ek azalpen interesgarri batzuk ematen dizkigu, baina ez guztiak. Bideoa ikusi aurretik azpimarratu nahiko nuke modan dagoen “arrakasta izatea “zu zeu izatean datzala.. Horretarako, zu zeu izateko ez zaude bakarik ondokoen laguntza duzu eta haiek ere zure laguntza izango dute.

Zer iradokitzen dizute tatuaje hauek? Photoshop bidez egin direla begibistakoa da baina jendeak euren buruan sinesten du eta berdin zaie. Zuk, zertan sinesten duzu? Norberarengan konfiantza izateak mugimenduan jartzen gaitu. Bizitza eraldatzen duzu eta ilusioz betetzen duzu. Konfiantza izan dadila zure abiapuntua ,…igarriko dugu eta guztiontzako oparia izango da.

Ariketa bat proposatu nahi dizuet; erraza, arin egiten diren horietariko bat eta doakoa. Aztertu zure bizitza, eta eskertu beharreko mila gauza aurkitu dituzu. Une batean esan beharreko hitz egokia edota eman beharreko besarkada. Zuhaitzen hosto artean sartzen diren eguzki izpiak. Mezu bat, irribarre bat, hitz bat, zure laguntza behar duen pertsona bat,… Bizitzak egunero mila aukera eskaintzen dizu bizitza esker onez bizitzeko.

Paola Klugek idatzitako ipuin honi esker ikasiko duzu zer egin tristura betirako bizilagun izango duzula uste duzunean.

“Nire amonak esaten zuen emakume bat triste zegoenean, egin ahal zuen onena txirikorda egitea zela. Horrela sentitzen zuen mina edo tristura ilean trabaturik geratzen zen eta ez zeukan bihotzeraino iristerik. Txirikorda egitea lan zaila zen eta kontu handiz egin beharrekoa tristura begietan sartzen bazen negarraraziko zizun. Ahoan ere ezin zen sartu gauza itsusiak edo gezurrak eginarazten zizkizulako. Kontuz ibili eskuetan ez sartzeko! ­esaten zidan amonak­ sukaldatzen duzuna erre dezakezulako. Izan ere tristura mingotsa izaten da. Triste zaudenean txirikorda egizu; mina ile artean utz eta iparraldeko haizeak gogor jotzen duenean askatu haize hots horrek tristura eraman dezan. Ilea gauza asko harrapatzeko sare modukoa da, erro sendoak ditu baina leuna ere bada.

Adi ibili tristurak ezustean ez harrapatzeko; nahiz eta bihotza apurturik izan. Tristura nagusitzen denean zure gorputz atal guztiek pairatu beharko dute. Txirikorda egizu! – esaten zuen amonak­ eta hurrengo egunean esnatzean konturatuko zara txirikordan sartuta indarra galtzen doala.” Paola Klug.

“El arrebato” abeslariak erakusten duen indarrak kutsa gaitzala. Konfiantza izateko sekretuak zeintzuk dira?