Nire eskuek zaindu ahal zaituzte

MODALITATEA  Irudikapena   Ebal

MUSIKA  Joaquín Rodrigo  Concierto de Aranjuez – 2° Mov Adagio

GIDOIA

Oinarrizko jarreran jarrita, irudikapena egiten prestatuko gara.

Nahi dut zuk irudikatzea buru gainean oso izar polita duzula, argitasunez beterikoa, oso distiratsua. Nahi dut irudikatzea nola argi hori zugana jaisten den eta nola heltzen den zure bururaino. Orain nahi dut argi berezi hori zure buruan sartzea eta gorputz osotik hedatzea.

Nabaritu nola argi zuri hori aurpegitik pasatzen den, nola ukitzen duen zure ilea, zure lepoa, besoak,…zure eskuetara ailegatu arte. Ondoren nabarituko duzu nola argi horrek zure atzamarrak betetzen dituen.

Nabaritu nola argi hori bularretik pasatzen den, bizkarretik, tripatik, behera doa… hanketara ailegatu arte. Laster oinetara ailegatu da eta bertan behatzak argitasunez beteko ditu.

Orain zure bihotz barruan begiratu, aztertu. Nabaritu nola argi horrek zure bihotza maitasunez betetzen duen.Zure ingurukoek maite zaituztela nabaritzen duzu. Zure bihotzeraino ailegatu den argi horri esker zuk ere ingurukoak maite dituzu, guztiak maiatzeko indarrak dituzu. Ailegatzen zaizun maitasuna hartu egiten duzu, zure gorputz osoan sakabanatu dena, eta irribarretsu agertzen zara, eskerrik asko esateko adierazten duzuna.

Ailegatu zaizun argi hori mundu guztiari oparitzeko beharra duzu, pertsona desberdinak ukitzen imajinatzen duzu zeure burua, zure irribarrea ez ezik, maitasun berezi hori emateko asmoz.

Share Button

Mailakako erlaxazioa

Mailakako erlaxazioa Jacobson II
  1. MODALITATEA   Mailakako erlaxazioa        EBAL

MUSIKA  CHRIS SPHEERIS & PAUL VOUDOURIS – Enchantment
https://www.youtube.com/watch?v=fq-Ht00wsm0

GIDOIA

Aulki batean eseri, eroso sentitu eta ez gurutzatu hankak. Arnasketa sakon osoa egin ezazu; astiro, inolako presarik gabe. Errepikatu. Ondoren gihar multzoak txandaka tenkatu eta lasaituko ditugu. Gihar bat tenkatutakoan, hau erlaxatuago dagoela nabarituko duzu; tentsioa eta erlaxazioaren arteko desberdintasuna kontuan izan. Denboraz, gihar zehatz bat tentsiorik duzun erraz nabarituko duzu eta horrela erraztasunez lortuko duzu erlaxatzea.

Ez tenkatu multzo desberdinetako giharrik, arnasketari eutsi eta begiak itxi. Saia zaitez inolako pentsamendurik ez harrapatzen, burura heltzen bazaizkizu ez hartu, utzi joaten. Tentsio bakoitzak 5 segundo iraungo du, erlaxazioak beste. Zoaz zenbatzen “bat, bi,hiru…”

  1. Eskuak. Ukabilak tenkatu, ondoren erlaxatu. Atzamarrak luzatu eta erlaxatu.
  2. Besoak – bizeps. Bizepsak tenkatu, ondoren erlaxatu.
  3. Sorbalda. Atzerantz eraman itzazu, ondoren erlaxatu.
  4. Lepoa (albokoa). Sorbaldak zuzen eta erlaxaturik dituzularik, burua eskuinetara eraman, ondoren erlaxatu. Ariketa bera egin ezkerretarantz.
  5. Lepoa (aurrerantz). Kokotsa bularrerantz eraman, erlaxatu. (Ez da aholkatzen burua atzerantz eramatea).
  6. Ahoa zabalik duzularik,  mingaina luzatu, erlaxatu. Mingaina atzerantz eraman, erlaxatu.
  7. Begiak. Indarrez zabaldu,erlaxatu. Tentsioak egindakoan begiak, bekokia nahiz sudurra guztiz erlaxaturik ditugula ziurtatu.
  8. Arnasketa. Arnasa hartu, sai zaitez sakonera handikoa izaten. Orduan saiatu arnas apur bat gehiago hartzen, ondoren arnasa bota eta 15 segundotan normaltasunez arnastu. Jarraitzeko, ahal duzun aire guztia bota; apur bat gehiago bota eta, ondoren, 15 segundotan normaltasunez arnastu.
  9. Ipurmasailekoak eta izterrak. Hankak luzatu eta altxatu (10cm. inguru), sabela tenkatu barik, ondoren erlaxatu.
  10. Sabela.Barrurantz sartu, erlaxatu. Oraingoan kanporantz eraman, erlaxatu.
  11. Oinak. Behatzak estutu (oinak altxatu barik); erlaxatu. Behatz-puntak gorantza jarri, ondoren erlaxatu.

AMAIERA zure gorputz osoa erlaxaturik nabaritu behar duzu; hala ere, alderen batek oraindik tentsioa duela sumatzen baduzu ariketa errepikatzea daukazu. Gorputz osasuntsua eta energiaz beterik dugula eskertuko dugu.

Share Button

Horrenbeste maitasuna kutsagarria da

MODALITATEA   Irudikatzea – Begiratzea  EBAL

MUSIKA  Ludovico – Waterways (new)

GIDOIA

Gaur oso berezia den zerbait ulertzen eta bizitzen lagundu nahi dizuet.. Agian pentsatuko duzue ez dela garrantzitsua, ezta interesgarria ere. Hala ere, minutu batzuk eskatuko nizkizueke eta ikusiko duzue nola saiatzea merezi izan duen. Oraingoan proposatu nahi dizuedan gaia ezaguna duzue; Jesusek gurutzeraino egin zuen bidea, alegia. Ez da erraza kontatzen, bere bizitzako tarterik tristeena baita, ez da batere dibertigarria izango, baina merezi duelakoan nago. Prest zaudete? Badakizue nola hil zen Jesus, oso une triste izan zen. Proposatu nahi dizuedana zera da: une triste horretan Jesusi lagundu, zuek bere ondoan egotea gustatuko litzaidake. Pertsona bat gaixo dagoenean edota une txarrak pasatzen ari denean ondoan bidailagun bat behar du, momentu latz horietan nahi duzu Jesusekin egon?

[Jesusena orain dela 2000 urte gertatu bazen ere  eta bakar bakarrik utzi bazuten ere, eta oso gaizki pasatu bazuen ere, gaur gure arten bizirik dirau. Bere bizitza gogoratzen dugunean bere ondoan gaudela sentituko du. Horrelakoetan gure maitasuna heltzen zaio, nahi diozu lagundu? Bere ondoan egon nahi duzue?]

Hasteko oinarrizko jarrera hartuko dugu. Gure irudimena aske utziko dugu, pelikula baten eszena batean sartuko bazina bezala. Jesusekiko maitasuna nahiz hurbiltasuna izan ezik, beste guztia gure irudimena sortutakoa izango da.

Zerbait berezia denez, ondo baino hobeto prestatu gara: trasteak alde batera utzi… bizkarra ondo jarrita… eroso eseri… oinak lurrean ondo jarrita… eskuak belaunetan ipinita… lepoa apur bat luzaturik… begiak itxita… nabaritu zure arnasketa. Horrela, isiltasuna nagusitu delarik gure bihotza entzun ahal izango dugu eta hitz egiteko aukera eskainiko diogu.

(Musika lasaia?)

Eguerdia da, bero handia dago… Jerusalengo kale estu batean zaude, gaur azoka eguna da eta jende asko dago kaleetan. Ematen du jendeak ez zaituela ikusten, ez dute nabaritzen hortxe zaudela, baina zuk bai ikusten eta nabaritzen dituzula,… (isiltasuna).

Bat batean iskanbila sortu da, ondoko kaletik jendea oihukatzen doa, irainak botatzen. Zerbait ari da gertatzen! Erromako soldaduak dira, haserre omen daude. Bizkarrean gurutze bat duen gazte bati oihukatzen diote. Nekaturik eta zauriz beterik egon arren, ez diote laguntzen… hala ere gazte horrek bidean jarraitzen du. (isiltasuna).

Hurbiltzean sorpresa ederra hartzen duzu ikusten duzunean Jesus dela! Ematen du inork ez zaituela ikusten, horregatik aukera aprobetxatzen duzu gehiago hurbiltzeko eta bere ondoan jartzen zara. Ahotsak entzuten dituzu, ikusten duzu nola jipoitzen duten… bidean jarraitu bitartean zu bere ondoan zaude… (isiltasuna)

Nekaturik dagoela ikusten duzu, gorputza minduta duela begi bistakoa da, horregatik besarkatzen duzu, eskutik heltzen diozu eta laguntzen saiatzen zara. Ibili bitartean laguntzen diozu…

Inork ez zaitu ikusten, baina zerbaitek esaten dizu Jesusek badakiela bere ondoan zaudela, gertatzen dena gertatzen dela beti laguntzeko prest zaudela. Mina handia bada ere, irribarre egiten dizula nabaritzen duzu, berarekin egotea eskertu nahi dizu, begiratzen dizu eta indarrak berritu zaizkio bideari ekiteko. Inork ez du ulertzen, inor ez da konturatzen, hala ere Jesus arinago dabil; are gehiago, irribarre txiki bat ere ikusten zaio. Baina, nola da posible? Inork ez du ulertzen; zuek, berriz, bai. Jesusek eta zuk badakizue zer ari den gertatzen. Ibiltzen jarraitzen duzue. (isiltasuna)

Gailurrera heldu zarete, biok dakizue zer datorren orain, zer gertatuko den. Jesus beldur da, ez du hil nahi baina badaki ez dagoela bakarrik, zuk bere ondoan jarraitzen baituzu.

Hemendik aurrera oso arin gertatzen da dena, gurutzea jartzen diote, zerurantz igotzen dute,…hori ikusteak bihotza mintzen dizu. Ez duzu begiratu nahi, hala ere bere ondoan jarraituko duzula ari daukazu.

Bera da begiratzen dizuna, indarrak agortu bazaizkio ere, irribarre bat botatzen dizu eta zuk eskertzen diozu.

Haizeak indarrez jotzen du, denbora aurrera doa eta zu bere ondoan zaude. Bere ondoan zaudelarik, erraztasunez antzeman dezakezu bere mina, zeinen gaizki ari den pasatzen eta horrek bihotza txikitzen dizu. Dena den gero eta animatuago zaude bere maitasuna, barkamena… nabaritzen dituzulako. Harriturik, Jesusek jendeari bota dion begirada aztertzen duzu eta harritzen zara ikustean guztiontzat maitasunez beteriko begirada duela; mindu badute ere, begirada horrek ez du gorrotorik. (isiltasuna)

Indarrak agortu zaizkio eta bat batean zerbait berri antzeman duzu… zuekin badago beste pertsona bat! Jendeak ikusi ezin duen norbait! Aita da! Jesusi besarkada handia ematera dator, ez azkena, baizik eta LEHEN BESARKADA! Jendeak ikusten duenean Jesus hil dela, zuk zerbait gehiago ikusten duzu, zoragarria den zerbait: ikusten duzu nola Aitak besarkatzen duen, nola hartzen duen eta eramaten duen! (Isiltasuna) Urruntzean, biek begiratzen dute atzerantz eta begirada zuzentzen dizute, irribarre egiten dizute eta musu bat bidaltzen dizute. Nabaritzen duzu nola musu hori ailegatzen zaizun eta maitasunez bakeaz betetzen zaituen. Zuk ere barre egiten duzu, badakizu  hemendik aurrera haiek izango direla zure ondoan joango direnak, lagunduko dizutenak. Nabaritu musua, haien hurbiltasuna. (isiltasuna)

Menditik jaitsi zara, astiro zabiltza eta kaleetara bueltatzen zara. Oraingoan ez dira Jerusalengo kaleak, zure auzokoak baizik eta aurpegian irribarre misteriotsua duzularik auzotik zabiltza. Jendeak ez du ulertzen, pozik zaudela antzematen dute. Zuk nabaritzen duzu, nahiz eta ez ikusi,  norbait duzula ondoan. Badakizu zure ondoan dagoela.

Pixkanaka atzamarrak, sorbaldak… mugitzen hasiko gara… begiak zabalduko ditugu.

Idatz dezagun

Sentitu dugunari buruz hitz egin dezakegu, eta marrazki bat edota zerbait idatzi inoiz ahaztu nahi ez dugun zerbait gogoratzeko.

Share Button

Masajea

MOTA Masajea    Ebal. Hara

MUSIKA Brian Crain Dream of Flying
NOLA EGIN
Saio honetan elkarri lagunduko diogu isiltasun egoera batera, barnealdera, sakontasunera sartzen. Masaje baten bitartez egingo dugu ilea laztanduz. Ikasleak bikoteka jarriko dira, bata eserita, bestea bikotekidearen atzean. Denbora baldin badago, masajea biek egingo diote elkarri, txandaka. Bestela, masajea jaso duenak beste egun batean egingo dio eman duenari.
Masajea jaso behar duenak “oinarrizko jarrera” (iraila-1) hartuko du masajea erlaxaturik hartzeko.
Masajea eman behar duenak honela egingo du:
Hatz guztiekin ukituko du lagunaren burua “teklak” joko balitu bezala. Emeki egingo du, zirkulu simetrikoak eginez buruaren erditik aurrerantz, gero alboetatik itzultzeko.
Masajea, hatz mamiekin egingo dugu buruko larruazala ferekatuz, gero hatz lodiekin garondoan.

Hasi aurretik, une batez pentsatuko dugu zer egingo dugun, zein pertsona zainduko dugun eta pertsona horrek zer behar duen. Gure helburua lagun hori ondo sentiaraztea da, erlaxatua, baliotsua. Hatzen bidez indar berria emango diogu egun osorako, bakea eta maitasuna helaraziz. Prest? Prest gaudenean, egingo dugunaren balioaz kontziente garenean, aurrera.

Masajea jasotzen duenak, arnasa lasai hartzen duela, ez du ezertan ere pentsatu behar.
Zer idatzi:
Nola sentitu zara masajea egitean? Eta jaso baduzu, nola sentitu zara? Zerbait aipatu nahi duzu? Ideiaren bat gaurko gogoetarako?

Share Button

Argi asko dago nigan

Modalitatea: bistaratzea                          Evaluación Hara

Musika               Joaquín Rodrigo  Concierto de Aranjuez – 2° Mov Adagio

Gidoia

Bistaratzeko prestatzen gara, oinarrizko jarrerarekin.
Nahi dut imajina dezazun hor goian, zure buruaren gainetik, argi zuriz betetako izar polit bat, argi zuri eder, distiratsu eta distiratsu bat. Argi hori zugana jaisten ikustea nahi dut, ibai leun bat bezala, harik eta buruaren goialdera iristen zaren arte. Eta orain, argi garbi hori buru barrutik eraman eta gorputz osoan behera jaitsi dezazun nahi dut, argi zuri zoragarriz bete arte.
Sentitu argia jaisten aurpegian, lepoan, besoetan, azkeneraino, harik eta nabaritzen duzun arte eskuetara iristen zaizula eta behatz guztiak betetzen dizkizula, banan-banan.
Bularretik, bizkarretik, sabeletik, tripatik behera jaisten zaizun argi hori sentitzen du, eta hanketara iristen da, eta iritsi dela sumatzen duzunean, jaisten jarraitzen du oinetara iritsi arte, eta gero oinetako behatzak ere urez betetzen dituen argia sentitzen du, banan-banan.
Orain, zure bihotzera begiratzea nahi dut. Sentitu argi horrek maitasunez betetzen bazaitu bezala. Maitatua eta maitatua sentiarazten zaitu. Oraindik ere argia iristen zaizu eta jendearekiko maitasunez betetzen zara. Denak maitatzeko indarra sentitzen duzu. Heltzen zaizun maitasun hori hartzen jarraitzen duzu, eta zure gorputzaren mutur bakoitzera betetzen zaitu, eta esker oneko irribarrea sortzen uzten duzu.
Iritsi zaizun argi hori guztia besteei oparitzeko gogoa sentitzen duzu, pertsona desberdinak ukitzen imajinatzen duzu zeure burua, eta zure irribarrea eta halako maitasun bat transmititzen diezu.

Share Button

Dena ondo aterako da

 

MODALITATEA   Entzutea       Evaluación Hara

MÚSIKA   «Todo va a ir bien«

Oinarrizko gorputz-jarrera.
Kezkatzen, larritzen edo geldiarazten zaituen zerbait pentsatu…
… zure bizitzan
… zure ikasketetan
… zure familian
… zure lagunekin
… gizartean
eta utzi hitz horrek zure barnean oihartzuna izan dezala

 

Share Button

Nire ondoan, zure ondoan.

MODALITATEA   Ikustarazpena     Hara ebaluazioa

MUSIKA  (BraveHert – Love)

Oinarrizko jarrera eserita. Gure arnasketari erreparatuko diogu…mingainaren pisua nabarituko dugu…
Imajinatu zuen ondoan libre dagoen aulki bat duzuela. Zuk asko maite duzun pertsona bat heltzen da eta bertan esertzen da. Sentitu zein atsegina da pertsona horren hurbiltasuna izatea, pertsona hori zure barnean sentitzea. Pertsona hori gogoan duzularik errepikatu:
– Gauzak ondo ateratzea opa dizut.
– Ilusioak bidean lagun diezazula opa dizut.
– Bakea zure bihotzean zabal dadila opa dizut.
– Mila esker nire bizitzara heldu izateagatik.

Pertsona horrek alde egiten du; berriro aulkia hutsik dago. Imajinatu beste pertsona bat hurbiltzen dela. Oraingoan klaseko ikaskide bat da. Zure ondoan eseri da… Imajinatu zeure burua bere ondoan eta esaiozu:
– Gauzak ondo ateratzea opa dizut.
– Ilusioak bidean lagun diezazula opa dizut.
– Bakea zure bihotzean zabal dadila dizut.
– Mila esker nire bizitzara heldu izateagatik.

Ikasle honek ere alde egiten du eta berriz aulkia hutsi dago. Baina laster beste pertsona bat hurbiltzen zaizu; oraingoan, berriz, ez da zure gustukoa, berarekin egotea ez zaizu asko gustatzen, berarekin hitz egiteko arazoak izaten dituzu, . Pentsa ezazu nor izan daitekeen,…zure ondoan eser da, aulkian dago. Errepikatu hurrengo esaldiak:
– Gauzak ondo ateratzea opa dizut.
– Ilusioak bidean lagun diezazula opa dizut.
– Bakea zure bihotzean zabal dadila opa dizut.
-Mila esker nire bizitzara heldu izateagatik.

Azken honek ere alde egiten du. Bakarrik zaude eta isiltasunean jarraitzen duzu; zure arnasketari erreparatzen diozu, unea eskertu egiten duzu.
Amaituta.

Partekatzeko: nola sentitu naiz bisualizazioarekin?

 

Share Button

Barrutik sortzen den hitza

MODALITATEA Erlaxazio pasiboa.  Evaluación Hara

MUSIKA  Granados. Danza española 2 oriental

GIDOIA

(Herbert Benson) Erlaxazioa lortzeko azalpen errazak:

Isiltasunean eseri edo etzan.

Begiak itxi.

Oinak zoruan jarrita, gorputzeko giharrak erlaxatu. Pentsa ezazu hankek eta oinek ohi baino gehiago pisatzen dutela. Sentsazio hori gorputz osoan zehar zabalduko dugu eta arreta jarriko dugu erlaxazioa lortzeko.

Oinekin hasiko gara. Pentsa oso pisutsuak direla, ohi baino askoz gehiago pisatzen dizutela, ezin dituzu mugitu; horregatik zoruan jarriko dituzu. Jarraian nabaritu nola pisu hori mugitzen den, askatasunez, inolako trabarik gabe… aurrera doa. Nabaritu nola nagusitzen den zure gorputz osoan zehar: hanketan, eskuetan, besoetan, tripan eta horrela jarraitu aurpegiko giharretaraino heldu arte.

Arnasa hartu sudurretik. Arnasketari erreparatu, arnasa hartzean esaiozu zeure buruari “bat”, gero “bi” eta horrela

jarraitu… Nahi izanez gero beste hitz bat aukeratzea duzu, adibidez “ESKERRIK ASKO”.

Horrela jarraitu zenbait minututan.

Ez larritu erlaxazio sakonik lortzen ez baduzu. Lasai egon eta itxaron erlaxazioa agertu arte, presaz ibiltzeak ez dizu erlaxazioa lortzen lagunduko. Pentsamendu nahasgarriak sortzen bazaizkizu saia zaitez baztertzen, ez utzi zure arreta bereganatzen eta erreparatu aukeratutako hitzari, arnasketari… Praktikak lagunduko dizu erlaxazioa lortzen.

Idatz dezagun

Zer egin dut? Nola sentitu naiz? Zer ikasi dut?… Aukeratutako hitza…

Share Button

Altxa zaitez

MODALITATEA Irudikatzea – begiespena    EBAL

MUSIKA  BraveHeart – Love

GIDOIA

Oraingo lana Ebanjelioko pasarte bati esker, sakontze lan bat proposatu nahi dizuet. Ezaguna duzu, entzun eta zure modura irudikatu pasarteak, bertako lekukoa izango bazina bezala. Horretarako “oinarrizko jarrera “ hartuko dugu eta pasadizoa entzungo duzu.

TESTUA

Garai hartan, Timeoren semea zen Bartimeo itsua, bide ertzean diru eske zegoelarik, Jesus bere jarraitzaileekin batera Jerikotik atera zen.

(imajinatu lurrean eserita, hiritik kanpo, itsu eta limosna eske…)

Jesus zela entzutean, oihukatzen hasi zen:
-Daviden seme hori, errukitu zaitez!

Askok isiltzeko esaten zioten arren, berak indar handiagoz oihukatzen jarraitzen zuen:
– Daviden seme hori, errukitu zaitez!

(Oihuak, jendearen protestak… imajina itzazu)

Jesus gelditu eta esan zuen:
-Deitu itsu horri.

Itsuari deitu zioten esanez:
-Altxa zaitez, Jainkoak deitu egin dizu eta!

Arin baino arinago zutitu zen, jauzi egin zuen eta Jesusengana hurbildu zen.

(Oraingoan imajinatu bere itxaropena, jauzia, itsuka Jesusenganako pausoak…)

Jesusek esan zion:
-Zer egin dezaket zugatik?

Itsuak erantzun zion:
-Maisua, ikustea gustatuko litzaidake.

Jesusek erantzun zion:
-Hara! Zure fedeak sendatu zaitu.
Segituan ikusmena berreskuratu zuen eta bidetik jarraitu zuen.

(Zure baitan jarraian duzun elkarrizketa errepikatu: Zer nahi duzu?… Zera nahi dut… Zer eskatuko zenioke?…

Egin ezazu… eta aztertu aldaketa: ikusi ahal du eta oinez Jesusen atzetik doa!

Idatz dezagun

Gaur egun, zein itsukeriek itsu nazakete?” Nola irudikatu dut kontakizuna?
Gogoratu nahi dudan zerbait:

Share Button

Ireki harridurarak

MODALITATEA   Irudikatzea    Ebal

MUSIKA  Avatar

GIDOIA

Gauza irudikatzea (Bizitza proiektuarekin lotzeko)

Basamortu handi bat imajinatu. Irudika ezazu hondarraren kolorea, harea-pikorren distira imajinatu. Dunez nahiz zeruertzez gozatu. (Etenaldia)

Zure gustukoa den duna bat bilatu eta bertan eseri. Nabaritu hondarraren gozotasuna eta aprobetxatu haize gozo aurpegian nabaritzeko. (Etenaldia)

Aztertu zeruan, eguna argituz doa eta dunan eserita zaudelarik, zure gorputza lasaitasunez betetzen dute eguzki-izpi gozoak jasotzen dituzu. (Etenaldia)

Orain sartu eskua duna barruan. Nabaritu duna barruan dagoen freskotasuna. (Etenaldia) Gauza bat antzematen duzu eta hartzea erabakitzen duzu. Azter ezazu. (Etenaldia)

Jarrai ezazu basamortuak oparitu dizun gauza aztertzen: kolorea, usaina, osagaiak, zertarako balio duen…  (Etenaldia)

Eskerraz emanez eta kontu handiz, berriro sartu gauza hori duna barruan. (Etenaldia)

Zerua aztertu, iluntzen ari du. Zeruertzean ikusten duzun kolore gorriak agur esaten dizu. Basamortutik atera eta zure ikasgelara bueltatzen zara.(Etenaldia)

Idatz dezagun

Basamortuan bizi izandako zerbait. Idatzi irudikaturiko gauza eta zertarako balio zuen. Hausnartu gauza horrek eskaintzen dizun informazioaz. (Arazoak baldin badituzte gauzaren erabilera jakiteko lagundu ahal diegu)

Share Button