Bidea

MOTA Irudikatzea                  Evaluación Hara

MUSIKA Moby Wait for me

GIDOIA

Oinarrizko jarrera hartuko dugu (iraila 1): Aulkian eseriko gara, hausnarketa,…

Oraingoan gure irudimena erabiliko bidaia polit bat egiteko, nik zenbait pista emango dizkizuet eta zuek horiek jarraituz bidaiaren protagonistak izango zarete.

Imajinatu bidaia batetik zoazela, baso batera eramango zaituena, nahiko bide luzea da; hala ere bideari ekitea erabakitzen duzu leku interesgarri batera eramango zaituelakoan zaude..(isilunea)

Basoaz, usainez,… gozatzen duzu; baian ohartu gabe bidea gero eta estuago da, gero eta oztopo gehiago aurkitzen dituzu,… sasiz beterik dago eta zenbaitetan itxiko dela ematen du. Hala ere jarraitzea erabaki duzu, oztopoei aurre egiten diezu, zenbaitetan lortzen duzu aurreratzea, baina oso neketsua da, indarrak ahitu zaizkizu. Duda batzuk piztu zaizkizu: eta esertzen banaiz? Hobe izango da buelta ematea? Ba al du zentzurik aurrera jarraitzeak? Horrelako duda asko dituzu baina aurrera jarraitzen duzu: .(isilunea).

Sasiak desagertu dira, baina oztopo berri batzuk dituzu aurrean: haizea, hotza, auria,… Ilundu du eta ekaitz bortitza dakarrela dirudi. Hala eta guztiz ere hori ez da nahiko erronka baztertzeko.(isilunea)

Basoa ilun dago, ia ez duzu ikusten baina haizeak zenbait ahots helarazten dizkizu. Hara zoaz eta bideari ekiten dioten kideak aurkitu dituzu. Erronka bera izatean elkartzen zaituzte eta horrek izugarri alaitu egiten zaituzte. Elkarrekin jarraitzen duzue. .(isilunea)

Ekaitza pasatu da eta gailurra gertu duzuela ematen du, basoa atzen utzi duzue. Atsedena hartzeko une ailegatu da eta hodeiertzari begira zaudete. Oso paisaia ederra duzue aurrean, oraindik bustita zaudete baina zeruan eguzkia dago eta horrek berotuko zaituzte. Ez da batere erraza izan, oztopo ugari izan dugu bidean, askotan atzera egiteko gogoak piztu zaizkigu; baian ez dugu etsi, merezi izan du. Elkarrekin isiltasunean atsedenaldiaz, paisaiaz, lagunez,… gozatzen dugu. .(isilunea)

Idatz dezagun

Bidaia honetan bizi izandako zerbait idatzi nahi duzu? Ikasturte berri honen hasieran, bide berri baten hasieran, nola sentitzen zara?

Share

Entzun ezazu hurrengo kontaketa:                    EBAL

Irakasleak ikasleei esan zien zerrenda bat egiteko non munduko 7 gauzarik ikaragarrienak aipatzen ziren. Zerrenda amaitutakoan irakurtzeko esan zien. Salbuspen batzuk izan ezik, gehienek hurrengoak adostu zituzten:
1. Egiptoko piramideak
2. Taj Mahal
3. Rodaseko Kolosoa
4. Babiloniako loratgeiak
5. Erromako Koliseoa
6. Txinako Harresia
 
zazpigarrena zehaztu gabe zeukatenean, irakasleak ikusi zuen zerrenda entregatu gabe zeukan neska bat ixilik zegoela. Hori ikusita galdetu zion ea arazorik zuen zerrenda betetzeko. Neskak hurrengoa erantzun zion: Bai, ez dakit zeintzuk aukeratu munduan milaka gauza zoragarri baitaude”
 
Irakasleak erantzun zio: esan zer idatzi zuen, agian lagun diezazukegu:”
 
Nahiz eta oso urduri egon, zerrenda irakurtzen hasi zen:
1. Pentsatu ahal izatea
2. Hitz egin ahal izatea
3. Gauzak egin ahal izatea
4. Entzun ahal izatea
5. Lagundu ahal izatea
6. Otoitz egin ahal izatea
7. eta, nire ustez garrantzitsuena…maitatu ahal izatea.”
 
hau entzunda, gainontzeko ikasleak aho bete hortz geratu ziren….
 Oso erraza da gizakiak munduan zehaz egindakoa aztertzea eta miragarriak direla esatea, baina askotan Jainkoak eskaintzen dizkigunak baztertu egiten ditugu. Ikasturtea amaizten zaigu eta emaitzak, borrokak, esfortsuak,… batetzeko ordua heldu zaigu; baita gure esker ona erakustekoa ere. ESKERRIK ASKO JAUNA!!!

HARA saioetan lantzen zenuen oinarrizko jarrera hartuko duzue eta zenbait m inututan aukera izango duzue, musika entzun bitartean, ikasturte honetan zehar bizi izandako guztia eskertzeko. ESKERRIK ASKO!!!

 

 

OSTIRALA 20

ESKERRIK ASKO! Despistaos” taldeak abesti hau sortu zuen pertsona bati eskerrak eman nahi zizkiotelako. Pertsona horri esker gauza berri asko ezagutu zuten eta asko lagundu zien. Entzun ezazu, gogoratu aurten bizi izandako guztia eta eskertu.

Share

MODALITATEA Irudikapena                             EBAL

MUSIKA Mozart C Nº 21 piano edo Vangelis Spiral To The Unknow Man

GIDOIA

– «Orain, zuen bizitzako une zoriontsu bat gogoratu behar duzue, agian ikasturte honetan gertatuko zerbait izan daiteke. Nik esatean eseriko zarete eta begiak itxita saiatuko zarete une horren zehaztasun guztiak gogoratzen.: non izan zen, norekin zeunden, zer gertatu zen, zer sentitu zenuen,…?

– Zenbait minutu utziko diegu une zoriontsu hori aukera dezaten.Ondoren begiak ixteko esango diegu.

– Isiltasunean utziko ditugu (goian zehazturiko musika jarriko diegu). Segundo batzuk igarotakoan hezitzaileak hurrengoa esango du: “gogora ezazu une hori, une hartan sentitu zenuen zoriontasuna nagusituko da” Hiru minututan taldea kontzentraturik egongo da. Ondoren begiak zabalduko dituzte eta musika amatatuko dugu.

-Nahi duenak gogoratutakoa kontatzea dauka eta nola bizi duen une hartako zoriontasuna.

Idatz dezagun

Zein une gogoratu dut? Zeri esker izan zen hain zoriontsua, hain berezia? Gerta daiteke orain sentimendu horiek arintzea, baina zer gorde duzu zure bihotzean?

Share

Iruzkina irakurritakoan, margolan bat aztertzea gustatuko litzaidake. Agian ezagutzen duzu wahatsappek duen emotikono bat duelako. Ez da batere erraza, ezagutzen zenuen? Zer sentiarazten dizu? Zer iradokitzen dizu?

IRUZKINA (Oihua – Munch)

Ikusi eta entzun 1892. urteko arratsalde batean piztu zitzaion margolariari irudia buruan. Izan ere hurrengoa idazten du bere egunerokoan:

“Nire bi lagunekin paseon nengoela, iluntzean eguzkiak gorriz tindatu zuen zerua. Momentu horretan gelditu nintzen eta hesi bati bermatuz atsedenaldia hartu nuen; izan ere oso nekaturik sentitu nintzen. Nire lagunek paseon jarraitu zuten baina ni geldirik geratu nintzen, antsietateak mugitu ezinik. […]Fiordoari begira nengoela ilundu zuen.

Hodeiek ere odolaren kolore gorria hartu zuten.Naturan zehar oihu antzeko zerbait aditu nuen. Margolan hau margotu nuen, odolez beteriko hodeiak ere margotu nituen. Koloreek ere oihukatzen zuten”.

Aurpegiak erakusten duen desitxuratzeak garaiko mugak gainditu zituen.
Bertan dagoen gizonak belarriak estaltzen ditu bere oihua eta naturarena ez entzuteko. Margolan honetan delirioa nahiz sufrimendua nagusitzen dira, bitartean bi pertsonak pasean jarraitzen dute lagunaren sufrimendua euren bizitzetatik kanpo utzita.

EBAL

 

Share

MODALITATEA  Entzutea                        Evaluación Hara

MUSIKA     Taize – Dona nobis pacen domine

GIDOIA

Oraingoan oinarrizko jarrera hartuko dugu eta isilik egongo gara antzinako kanta bat entzuteko. Latinez eta gaztelaniaz dagoen kanta da eta bertan behin eta berriz entzungo duzue “dona nobis pacen dominun”. “Jainkoa, bakea eman diezagun” esan nahi du. Latinez dago Europa osoko eta gainontzeko kontineentako gazteek abesten dutelako Fantziako herri txiki batean elkartzen direnean, Taizé herrian.

Entzun ezazu eta aprobetxatu erritmoa bakea zure gorputzean nagusi dadin. Fededuna bazara esaldia errepika dezakezu eta otoitz bihurtu.

Idatz dezagun

Bakea sentitu al duzu? Gehiagotan sentitzea gustatuko litzaizuke? Nori gustatuko zenioke “oparitzea”?

Share

NIRE SAMURTASUNA OPARITU NAHI DIZUT.

MODALITATEA Masajea, bi pertsonak hirugarren bati emandakoa.

MUSIKA Nightmares On Wax   Les Nuits                              EBAL.

GIDOIA

Besoetako masajea (bizkarrarena antzekoa da)

GIDOIA  eskuetako masajea (bizkarreko masajearen ezaugarriak gogoratu : ots.3)

Pertsona bat eseriko da eta “oinarrizko jarrera” hartuko du masajea hartzeko. Bizkarra zuzen jarriko du, besoak luzatuko ditu eta arnasketari erreparatuko dio masajea hobeto hartzeko. Bere ondoan bi ikaskide egongo dira eta prestatuko dira beso banatan masajea emateko; 10 segundotan eskuak igurtziko dituzte berotu arte.

Eskuak prest dituzuelarik, barnea prestatzeari ekingo diozue: zuen ikaskidea zaintzeko nahia, lasaitasuna “oparitzeko” nahia… zuen eskuek pertsona hori bedeinkatuko dutela pentsa dezakezue, gure eskuen bidez Jainkoak maitasuna zein ontasuna helarazten dizkigu. Prest zaudetela uste duzuenean masajea ematen has zaitezkete.

Masajearen faseak:

1.- Besoa berotu, horretarako zuen esku-azpiak lagunaren besoetara hurbilduko dituzu, oso gertu baina ia ukitu barik. Horrela masajea hartuko duenak zuen eskuen hurbiltasuna nahiz beroz nabarituko ditu. Segundo batzuen buruan har iezaiozu besoa eta igurtzi.

2.- Besoa oratu. Besoa berotu dituzuenean, har iezaiozue beso bana eta hasi ferekatzen, oratu nahiko bazeniote bezala. Sorbaldatik hasiko gara, eskuetara heldu arte; amaituko dugu masajea atzamarrak ferekatuz. Hori guztia kontu handiz egingo dugu.

3.-Besoak eskobatu. Hartzailearen besoak hartu eta gorantz jarri; ondoren zuen esku-azpiak mugitu besoak eskobatu nahiko bazenute bezala, oso astiro.

4.- Energia emateko jar itzazu zure eskuak bere besoen gainean. Amaitzeko hartzaileak esango dizuen puntuan eskuak kokatu eta begi itxita horrela egon zenbait segundotan. Bitartean desio onena opa izan.

Ez ahaztu lasai egon behar duzula, “maitasunez” beterik egon behar duzu hori guztia masajea hartuko duenari emateko. Hortaz, isiltasuna ez ezik, arnasketa ere kontuan hartu beharko dituzu ariketa egin eta hartu ahal izateko.

Idatz dezagun

Nola sentitu zara? Guztiok besteen zainketak behar ditugu gure baitan daramagun politena kanporatzeko. Uste duzu zure ingurukoek zure zainketak, zure eskuak, zure irribarrea, zure hitza…behar dituztela ? Besteek euren baitan duten onena kanporatzen laguntzeko prest ikusten al duzu zeure burua? Nork laguntzen dizu zuri onena ateratzen?

Share

MODALITATEA  Ikuskapena                     HARA   ebaluazioa
MUSIKA  La lista de Schindler.
GIDOIAMaiatza amaitzear dugu eta oso opari berezi bat eskaini nahi dizuegu. Ebanjelioan Jesusi buruzko istorioak historian oinarritzen diren ala ez zehaztea nahiko zaila izaten da, baina eztabaidaezina dena da Jesusek lagunak, gaixoak, txikiak, bekatariak, etsaiak, … maitatzeko izan zuen ahalmena mugaezina zela. Nork irakatsi zion horrela maitatzen? Erantzuna Sieguer Kodëren margolanean duzue, eta HARA saio honetan aukera izango duzu aztertzeko.Oinarrizko jarrera hartuko dugu, gure arnasketari erreparatuko diogu, musikak erlaxatuko zaitu,…Margolanari erreparatu, zehaztasunak azter itzazu: begiradak, koloreak,…eskuak, ezpainak, aurpegiak,… Gero begiak itxi, ondoren berriro zabaldu margolana berriz aztertzeko.Ikuskapen honen bidez nahi dugu zuek haurtzarora bueltatzea, imajina ezazu umea zarela, imajina zeure burua urte bat zenuenean nola ikasi zenuen ibiltzen, amaren eskutik helduta,…
Imajina nola ikusten zaituen Mariak, jolasten edota ibiltzen zaren bitartean barre egiten dizu… erori egin zara eta nabaritzen duzu nola laguntzen dizun berriz zutitzen eta nola besarkatzen zaituen.
Besarkada horretan geratuko gara, pentsatu besotan hartu zaituela, Jesus besotan hartu zuen bezala, itxi begiak eta imajina Mariak eskaintzen dizun maitasuna. Ume txiki batek, amaren besoetan egoten denean, sentitzen duen bakea mugaezina da, amaren besarkada, musua , begirada,… Irudikatu zeure burua Mariaren besoetan. Zenbait minututan nabaritu besarkada horren indarra, maitasuna,… Saia zaitez ez pentsatzen, hausnartu, irribarre egizu eta …eskertu.
Me-note
Share

Mailakako erlaxazioa Jacobson II

MODALITATEA   Mailakako erlaxazioa (errepikapena)         EBAL

MUSIKA   Enchantament 2

GIDOIA

Aulki batean eseri, eroso sentitu eta ez gurutzatu hankak. Arnasketa sakon osoa egin ezazu; astiro, inolako presarik gabe. Errepikatu. Ondoren gihar multzoak txandaka tenkatu eta lasaituko ditugu. Gihar bat tenkatutakoan, hau erlaxatuago dagoela nabarituko duzu; tentsioa eta erlaxazioaren arteko desberdintasuna kontuan izan. Denboraz, gihar zehatz bat tentsiorik duzun erraz nabarituko duzu eta horrela erraztasunez lortuko duzu erlaxatzea.

Ez tenkatu multzo desberdinetako giharrik, arnasketari eutsi eta begiak itxi. Saia zaitez inolako pentsamendurik ez harrapatzen, burura heltzen bazaizkizu ez hartu, utzi joaten. Tentsio bakoitzak 5 segundo iraungo du, erlaxazioak beste. Zoaz zenbatzen “bat, bi,hiru…”

  1. Eskuak. Ukabilak tenkatu, ondoren erlaxatu. Atzamarrak luzatu eta erlaxatu.
  2. Besoak – bizeps. Bizepsak tenkatu, ondoren erlaxatu.
  3. Sorbalda. Atzerantz eraman itzazu, ondoren erlaxatu.
  4. Lepoa (albokoa). Sorbaldak zuzen eta erlaxaturik dituzularik, burua eskuinetara eraman, ondoren erlaxatu. Ariketa bera egin ezkerretarantz.
  5. Lepoa (aurrerantz). Kokotsa bularrerantz eraman, erlaxatu. (Ez da aholkatzen burua atzerantz eramatea).
  6. Ahoa zabalik duzularik,  mingaina luzatu, erlaxatu. Mingaina atzerantz eraman, erlaxatu.
  7. Begiak. Indarrez zabaldu,erlaxatu. Tentsioak egindakoan begiak, bekokia nahiz sudurra guztiz erlaxaturik ditugula ziurtatu.
  8. Arnasketa. Arnasa hartu, sai zaitez sakonera handikoa izaten. Orduan saiatu arnas apur bat gehiago hartzen, ondoren arnasa bota eta 15 segundotan normaltasunez arnastu. Jarraitzeko, ahal duzun aire guztia bota; apur bat gehiago bota eta, ondoren, 15 segundotan normaltasunez arnastu.
  9. Ipurmasailekoak eta izterrak. Hankak luzatu eta altxatu (10cm. inguru), sabela tenkatu barik, ondoren erlaxatu.
  10. Sabela.Barrurantz sartu, erlaxatu. Oraingoan kanporantz eraman, erlaxatu.
  11. Oinak. Behatzak estutu (oinak altxatu barik); erlaxatu. Behatz-puntak gorantza jarri, ondoren erlaxatu.

AMAIERA zure gorputz osoa erlaxaturik nabaritu behar duzu; hala ere, alderen batek oraindik tentsioa duela sumatzen baduzu ariketa errepikatzea daukazu. Gorputz osasuntsua eta energiaz beterik dugula eskertuko dugu.

Share

MODALITATEA  Irudikapena   Ebal

MUSIKA  Joaquín Rodrigo  Concierto de Aranjuez – 2° Mov Adagio

GIDOIA

Oinarrizko jarreran jarrita, irudikapena egiten prestatuko gara.

Nahi dut zuk irudikatzea buru gainean oso izar polita duzula, argitasunez beterikoa, oso distiratsua. Nahi dut irudikatzea nola argi hori zugana jaisten den eta nola heltzen den zure bururaino. Orain nahi dut argi berezi hori zure buruan sartzea eta gorputz osotik hedatzea.

Nabaritu nola argi zuri hori aurpegitik pasatzen den, nola ukitzen duen zure ilea, zure lepoa, besoak,…zure eskuetara ailegatu arte. Ondoren nabarituko duzu nola argi horrek zure atzamarrak betetzen dituen.

Nabaritu nola argi hori bularretik pasatzen den, bizkarretik, tripatik, behera doa… hanketara ailegatu arte. Laster oinetara ailegatu da eta bertan behatzak argitasunez beteko ditu.

Orain zure bihotz barruan begiratu, aztertu. Nabaritu nola argi horrek zure bihotza maitasunez betetzen duen.Zure ingurukoek maite zaituztela nabaritzen duzu. Zure bihotzeraino ailegatu den argi horri esker zuk ere ingurukoak maite dituzu, guztiak maiatzeko indarrak dituzu. Ailegatzen zaizun maitasuna hartu egiten duzu, zure gorputz osoan sakabanatu dena, eta irribarretsu agertzen zara, eskerrik asko esateko adierazten duzuna.

Ailegatu zaizun argi hori mundu guztiari oparitzeko beharra duzu, pertsona desberdinak ukitzen imajinatzen duzu zeure burua, zure irribarrea ez ezik, maitasun berezi hori emateko asmoz.

Share

Dena ondo aterako da

Orain dela gutxia Luis Guitarra kantautorea gonbidatu genuen unibertsitarioekin batera antolatuta genukeen elkarbizitza batean abes zezan. Hurrengo kantak harritu gintuen.

 

Share