MODALITATEA Automasajea     EBAL

MUSIKA  Francisco Tárrega ­ Recuerdos de la Alhambra

GIDOIA

Zenbait minutu erabiliko ditugu oinarrizko jarrera hartzeko. Jarraian zehaztuko dena jarraitu ahal

izateko, premiazkoa da, zutik edo eserita egonda, bizkarra zuzen izatea. Jarrera egokiak  masajea

eraginkorragoa izatea ahabidetuko du. Halaber, gure arnasketari erreparatuko diogu eta sabeletik

egiten saiatuko gara. Has gaitezen:

­ Autoshiatsua burezurren oinarrian:  majase hau egiteko hatz lodiekin burezurra bilatu, okzipital

hezurraren ondoan; gainontzeko atzamarrak buruaren gainetik   gurutzatuko ditugu, horrela buru osoa

hartuko dugu. Ondoren, burua atzera botako dugu eta hatz lodiekin presio txikia eragingo dugu

burezurren zenbait puntutan. Hau egin bitartean astiro arnastu egin behar dugu. Zenbait segundotako

atsedenaldia hartuko dugu eta berriz ekingo diogu masajeari.

­ Masajea garondoan: autoshiatsua egiteko garondoa nahiz sorbalda igurtzi beharko ditugu, bi

eremuak alde berean. Errepikatuko dugu ondoeza desagertu eta giharrak guztiz erlaxaturik nabaritu

arte.

­ Masajea sorbaldetan: Masaje mota hau oso egokia da sorbaldak gogorturik dituztenentzat. Egiteko

lepotik besoaren hasiera arteko giharrak igurtziz  egiten da. Horretarako masajeatu nahi dugu aldeko

kontrako eskua erabili beharko dugu. Sorbaldan geneukan ondoeza arintzen dela nabaritzean, besteari

masajea emateari ekingo diogu.

Idatz dezagun

Automasajea eman ondoren, nabaritu al duzu aldaketa edota eraginik? Berehala nabaritzen al duzu

nekerik, giharrak ahiturik, buruko minik, …? Zer egiten duzu horrelako egoeretan?

MODALITATEA Ikustea EBAL

MUSIKA Claro de luna Debussy

GIDOIA

Oinarrizko jarrera.

Jarrai ezazu zure arnasketan aireak duen bidea. Hasteko nabaritu nola sartzen den zure sudur-hobietatik, jarraian zure sudurrean barrena sentituko duzu. Pixkanaka agian nabaritu ahal duzu nola aire horrek zeharkatzen duen zure ahoa eztarrira heldu arte.

Nabaritu zure gorputzean bete duen aire hotz hori; bero aterako dena.

Orain imajina ezazu kanporatzen ari zaren aire bero hori puxika batean ari zarela sartzen. Puxika hori zure inguruan handitzen ari da, esfera bikaina osatu arte. Esfera garden horrek inguratzen zaitu. Ikus ezazu, ukitu ezazu,… bere baitan eroso bezain seguru zaude.

Imajinatu ahal duzu nola esfera horren barruan zaudela,eserita, oso eroso. Bertan egonda ikasgelatik, pasabideetatik, jolaslekuetatik,… hegan zaude. Ezagutzen dituzun zenbait lekutara zoaz. Beste esfera batzuk ikusten dituzu, horietan ezagutzen dituzun pertsonak bizi dira; zure bizikideak direnak. Aztertu esfera eta aurpegi horiek. Ematen du zenbaitekin ondo moldatzen zarela, … beste batzuk zure ondoan mugitzen direla ,… zure erritmoarekin bat egiten dutenak ere badaude… (etenaldia)

Pixkanaka zure lekura bueltatzen zara. Gelditu eta zure esfera aztertu,… zenbait urratu eta zauri ikusten dituzu; baita arrail bat ere. Larritzen zara,… baina zure arnasketari erreparatzen diozu berriz. Nabaritzen duzu nola
zure barnetik bizitza duen airea ateratzen den, adore ematen dizuna. Kontu handiz zauri eta arrailen gainean putz egiten duzu senda daitezen,… nabaritzen duzu zure baitan duzun indar horrek sendatzen laguntzen dizula… (etenaldia)

Zure arnasari esker beste esfera batzuk laztandu ahal dituzu, dituzten zauriak sendatu ahal dituzu. (etenaldia)

Esfera guztiak, zurea barne, berrindartzen direla ikustean barre egiten duzu, gardenak bezain distiratsuak dira.

Zure baitan daukazun bizitza-arnas hori dela eta, eskerrak eman.

Idatz dezagun

Nabaritu eta ahaztu nahiko ez duzun sakonera handiko egia.