Juan Mariaren Jaia ospatzen ari gara.
Ikus dezagun bideoan Jesusek kontatu zuen istorio bat, festa handi bat prestatu eta jende asko gonbidatu zuen gizon aberats bati buruzkoa…

1-3 Lehen Hezkuntza

 

4-6 Lehen Hezkuntza

Gaur festa handi batera gonbidatuta gaude.
Ez dezagun eskusoinurik jarri pozik, gogoz, ilusioz ez parte hartzeko.

Gogoan izan Jesusek kontatzen eban parabola eta datorren domekako Ebanjelioan entzungo doguna: (Lucas 14an dago)

Gizon batek festa handi bat prestatu eta jende asko gonbidatu zuen.
Dena prest zegoenean, bere zerbitzaria bidali zuen esatera:
— Zatozte, dena prest dago eta!
Baina, bata bestearen atzetik, aitzakiak jartzen hasi zen:
Batek esan zuen:
— Ezin naiz joan, zelai bat erosi berri dut.
Beste batek esan zuen:
— Nik idi batzuk erosi nituen eta probatu egin behar ditut.
Eta beste batek esan zuen:
— Oraintxe ezkondu naiz, ezin naiz joan.
Zerbitzaria itzuli eta jabeari kontatu zion.
Orduan nagusia apur bat haserretu eta esan zuen:
— Zoaz azkar kaleetatik eta ekarri pobreak, gaixoak eta etxerik ez dutenak.
Zerbitzaria itzuli eta esan zuen:
— Egin dut, baina oraindik badago lekua.
Nagusiak erantzun zuen:
— Ba joan zaitez bideetatik eta konbentzitu guztiak etor daitezen. Nire etxea beteta egongo da!
Eta Jesusek esan zuen:
— Lehenengo gonbidatuetako batek ere ez du nire oturuntzaz gozatuko.